कवितेसाठी कविता: ज्ञानदेव कृष्ण

रविवार, १४ जुलै, २०२४

**********

संत ज्ञानदेव कृष्ण भगवंत

अगा भेदातित तत्व एक ॥

पटांमध्ये तंतू तंतुचाच पट

पाहत्या दृष्टीत भेद जन्मे ॥

भजे ज्ञानदेव कृष्ण भगवंत

रूपाचे गणित सांडूनीया ॥

कृष्ण सांगे तत्व सातशे श्लोकात

नऊ हजारात ज्ञानदेव ॥

भगवत गीता ज्ञानेश्वरी सार

गीतेचा विस्तार ज्ञानदेवी ॥

आवडी धरूनी पुरवावी धणी

म्हणून मांडणी करी देव ॥

हृदयी माऊली कृष्ण भगवंत

ठेवून विक्रांत सुखी झाला ॥

.🌾🌾🌾

https://kavitesathikavita.blogspot.com .

☘☘☘☘ 🕉️

कवितेसाठी कविता