जीवलगा विन

जीवलगा विन

************

देहास बांधले या ते 

नव्हतेच माझे नाते 

देहधर्मा जागलेले

आदीम संस्कार होते ॥१

येताच फुले वेलीस 

जपणे तयास होते 

वाघीण धेनू वा घार 

मातृत्व एक असते ॥२

ते स्पर्श नको नकोसे

परके अजून खोटे 

ते शब्द ओल नसले 

बाजार घरात होते॥३

मनी आस ही कुणाची 

अजूनही आत जळते 

स्मरतात कुणा कधी 

गात्रात वीज पेटते ॥४

ही असेलही वंचना 

कुणी काहीकाही म्हणा 

जिवलगा विन जन्म 

तो मिळू नयेच कुणा ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ 🕉️