आळंदी वल्लभ
*************
माहेरचे गाव वैष्णवांचे ॥१
होई निरंतर उर्जेचा वर्षाव
प्रकाशाचा ठाव गाभाऱ्यात ॥ २
समाधी म्हणू की चैतन्यांची वेदी
भरून वाहती अविरत ॥ ३
रंगाचे तरंग सुगंधाचे लोट
थेट हृदयात सामावती ॥४
कोमल कोवळा स्पर्श माऊलीचा
भिजल्या दवाचा हळुवार ॥५
घडता दर्शन झरतात डोळे
शब्द प्रेम बळे कुंठतात ॥६
देह तुळशीचा होऊनिया हार
तया पायावर विसावतो ॥७
विक्रांत हृदयी सदा राही माय
आणि मागू काय प्रेमावीन ॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा