कवितेसाठी कविता: पंढरपूर आषाढीनिमित्त

शनिवार, ८ ऑगस्ट, २०२६

पंढरपूर (आषाढीनिमित्त)

********************

घरोघरी होती दुकानं थाटली

पंढरी ती झाली मॉल जैसी ॥१

गल्ली बोळातून सामान विकती

चहावाले किती दारोदारी ॥२

विकती खेळणी प्रसाद फराळ

अबीर गुलाल कुण्या दारी ॥३

लॉजिंग बोर्डिंग किती घरे झाली

कुटुंबे धाडली गावाकडे ॥४

जिथे जावे तिथे माणसे भरली

जागा न उरली मुंगीसही ॥५

दिसली न पशु कुठे न पाखरे

क्वचित ते कुत्रे एखादे रे ॥६

महाद्वारी खच लोंढे माणसांचे

भरदिस साचे मध्य रात्री ॥७

नाद विठ्ठलाचा गजर माऊली

अवघी जागली पंढरी ही ॥८

🌾🌾🌾

https://kavitesathikavita.blogspot.com

☘☘☘☘ 🕉️

कवितेसाठी कविता