गणित
*****
नाही कुणास सुटत
सारे आकडे अस्थिर
नाही कुणास कळत
जगी कुणी फुशारतो
पुण्य राही मिरवत
दिसे तो ही सापडला
पापाच्या रे तावडीत
दिसे केले पाप ज्यांनी
ते ही सुखी जगतात
मग पाप काय असे
सारे घोर गोंधळात
इथे सदैव दिसते
पापपुण्याची मिसळ
पुण्य होते व्यर्थ सारे
आणिक पाप उजळ
पाप पुण्य ठरवले
नीती नियमी कोंडले
पाप लागते कुणाला
काय कोणी रे पाहिले
सत्य अहिंसा आचार
कुणी मारतात रेषा
परद्रव्य निंदा दारा
कुणा कठीण परीक्षा
धर्म कर्मात कुणाच्या
लाखो गरीब ते मेले
हाती घेऊन ते झेंडे
देश लुटत राहिले
दान देऊन गरीबी
कुणी पोसत राहिले
अन्नछत्र सदावर्त
कुठे लंगर चालले
आगा गरीबा वाचून
पुण्य घटणार कसे
दान उपकार सेवा
धर्म बाटणार कसे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा