कोरे पान
********
बोल सखीचे चैत्र चांदणेनसून शब्दी उगा सांडणे
गूढ नव्हते गुपित काही
झऱ्यागत ते मुक्त वाहणे
काही घटना काही घडले .
खोल मानस उलगडणे
अपेक्षेविन खांद्यावरचा
भार हळू हलका करणे
शब्द एकेक वेलीवरले
ओघळूनिया फुल जाहले
अन झेलता तया श्रुतीत
स्वरावाचून गाणे सजले
गमे अचानक आगंतुक
परी प्रतिक्षा मना ठावूक
ग्रीष्ण तापल्या भूमीवरती
सर मृगाची ये आपसुक
होईल कधी ही वर्षा पुन्हा
अन उमलून येईल रान ?
सरे बोलणे हो पूर्णविराम
परी उत्कंठीत कोरे पान !
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा