इथे तिथे

इथे तिथे

*******

रे ते गाव माझे होते 

की हे गाव माझे आहे

मज कळेना काहीच

हे भास कशाचे आहे

तिथे खूप यातायात 

होते चालणे उन्हात 

पण स्वीकार मनात 

पाप हे जळते तपात

इथेही आहे चालत

जगण्यासवे वाहत

गमे अवघेच जीणे 

चाले स्वप्नीच्या स्वप्नात

तिथेपण पोट होते 

निद्रे हवे छत होते .

खात्री वाचून पावुल

तरीही  पडत होते

मीच होतो तिथे तोच

माझेपणी मिरवत

काही कळल्यावाचून

उगाच ओझे वाहत

इथे तिथे जगणे हे

दिसते एकच होते 

नच कळे मग सवे

आले काय गेले होते ?

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️