आषाढीची चंद्रभागा
***************
आषाढीची रम्य दिसे चंद्रभागा
क्षेम पांडुरंगा देत असे
मातीचा हा रंग घेत चंद्रभागा वाहतसे गंगा पुण्यदायी
वाहते न माती ताप या जनांचे
पाप रे जन्मांचे ओघामध्ये
दुर्गंधी वाचून होते वाळवंट
आनंदाचे लोट भक्ता मनी
लाख लाख जण सुखात न्हावून
पुंडलिका पाहून निघालेले
असेच रहावे सदा सर्वकाळ
सुखाचे आभाळ दाटलेले
उमटे मनात सहज प्रार्थना
देवा जनार्दना पूर्ण करी
कोणत्याही टिप्पण्या नाहीत:
टिप्पणी पोस्ट करा