तू गेल्यावर
*********
असणे तुझे जीवनाला अवघे व्यापून होते प्रेमानुबंध क्षणाक्षणाला सदैव बांधून होते
प्रेमवृक्ष तू आयुष्यात माझ्या होऊन आला
प्रेमळ मंगल सुखाचे रूप मनोहर झाला
तुझ्याविना दिन उजाडे असे कधी नच झाले
तुझ्याविना रात्र मावळे असे कधी नच घडले
ध्यानीमनी स्वप्नी माझ्या होते तुझेच वावरणे
स्वप्नवतच होते जणू हे सारे आनंदाने जगणे
अन् आज गेलास तू झाले व्यर्थ सारे लढणे
सरली एक कथा रुपेरी अन ओठावरचे गाणे
परी जाणते हाती आहे अजून तुझीच स्वप्ने
स्वप्नपूर्ती ती करतांना घडेल सवे तव जगणे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा