समाधान
*******
असे समाधान थेँब अमृताचा प्राण साधनेचा साधकाच्या ॥१
समाधानाविना येथे येते न रुजून
ध्यान हे सजून अंतरंगी ॥२
शांती तयाचे रे असे बाह्यरंग
देखतसे जग डोळ्यांनी ॥३
आणिक ती दया येते ओघळून
समाधानातून सर्वाभुती ॥४
सांगती श्री गुरु खूण अंतरीची
वाट साधनेची शिष्यालागी ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा