मिस्टर झालो आहे

अहो चा मी आता

मिस्टर झालो आहे
पुसलेल्या संसाराचा
डस्टर झालो आहे

नाही त्यात आता

काही वाउगे नाही
शोभेचेच मी एक
क्लस्टर झालो आहे

देणे घेणे कुणाशी

उरले न काही माझे
जगण्याचे वरवर
जस्टर झालो आहे

आणिला कुठून कुणी

टोचेना टोचून जो  
शब्द इंग्रजी एक
स्टिकर झालो आहे

विक्रांत प्रभाकर

http://kavitesathikavita.blogspot.in/

 

झगा

तथकथित उच्च अभिरुचीचा

झगझगीत झगा घालून
मी निघतो जेव्हा रस्त्यानं
जागोजागी ठिगळ लावलेले
जुने दमट कोट अवघडले  
दिसतात मला बसलेले कोंबून
त्या त्यांच्या वडिलोपार्जित
शिसवी खुर्च्यातून
अवघी हवा जड होते
जाते ओशाळून
नकळत मग मी ही
तो माझा झगा उतरवून
त्या खुर्च्यामध्ये बसतो जावून
कारण..
शेवटी महत्वाच असत
जगणं !!
कुणाच्यातरी सोबत
घेत काहीतरी वाटून

विक्रांत प्रभाकर

http://kavitesathikavita.blogspot.in/

 

तिचे त्याचे प्रेम....

 

तिचे त्याचे प्रेम म्हणजे
उधान वारे वाहने असते
नदी ओढा कालवा ओहळ
पाण्यास नाव देणे असते

गडद काळोखी जगात भरता

साथीस सदैव चांदणे असते
निबिड निर्जन गूढ वनात
पायी गुणगुण गाणे असते

तिची साथ असो नसो वा

तिच्याच साठी जगणे असते
कधीतरी नक्की भेटेन ती
म्हणून स्वप्न पाहणे असते

 

विक्रांत प्रभाकर
http://kavitesathikavita.blogspot.in/

वेदनांनी झोळी माझी---क़तील शिफ़ाई

वेदनांनी झोळी माझी सारी भरू दे रे अल्लाह
मग हवे तर मज पूर्ण वेडा होवू दे रे अल्लाह

चंद्र कधी तारे तुज मी सांग मागितले होते
स्वच्छ हृदय सचेत नजर तू दे रे अल्लाह 
 
सूर्या सारखी वस्तू तर कधीच आम्ही पाहिली
आता खरोखरची एक प्रभात पाहू दे रे अल्लाह

या धरतीच्या जखमा वर लाव दवा काही
वा माझे हृद्य हे पत्थर होवू दे रे अल्लाह

क़तील शिफ़ाई 

अनुवाद विक्रांत प्रभाकर

हुजुरेगिरीत

 

हुजुरेगिरीत जर

वर्ष व्यतली असती
आमचीही इथे राज्यं
बहुत झाली असती

वदले ते निष्ठा इथे

संपूर्ण द्यावी लागते
सांगितले भले बुरे
सारे करावे लागते

मग्रुरी रक्तात परि

काही वेगळीच होती
अभिमानी मान कधी 
कुठे झुकली न होती

ती वाट पुन्हा कधीही

मग धरलीच नाही
कष्टण्यात वर्षं गेली 
खंत वाटलीच नाही

आता तर सुखाचीही

मज याद येत नाही
फकिरास कफनीचा
या मोहही इथे नाही

विक्रांत प्रभाकर

http://kavitesathikavita.blogspot.in/

एसएससी, एसएससी....

वही पुस्तक हाती धर

पाठ कर पाठ कर
लिंग वचन मुहावरे
सब कुछ याद कर

चीन फ्रांस इंग्लंड

ध्यान दे साऱ्यावर
डोंट फरगेट एनेथिंग
फ्रॉम द ग्रामर

टीवीकडे पाहू नको

पीसीकडे जावू नको
एसएससी एसएससी
घोष असू दे कानावर

फार काही अवघड नाही

वेळा पत्रक तयार कर
क्लास लाव गाईड घे
झोपेला घाल आवर

मुसोलिनी हिटलर

यांच्याशी दोस्ती कर
भूमितीच्या वर्तुळात
रोज गर गर फिर

रोज स्पेलिंग घोकायची

सूत्र लिहून काढायची
स्कोर साठी फ्रेंचचा
पार चट्टामट्टा कर

आवडत नसले तरीही

सायन्सवर दे भर
मार्कस पुरत्या कविता
म्हणू नको दिवसभर

मुळी सुद्धा भांडू नको

चिडू नको रडू नको
एवढा पैसा खर्च केला
पाडू नको तोंडावर

सदा टक्केस अंशी पडले

तू जा नव्वद टक्क्यावर
आईबापाची कीर्ती वाढव  
नाव कोर ग्रीनकार्डवर

एका मागे एक विषय

कदम ताल आगे बढ
तास जाती तासावर
घाई कर वाच भरभर

विक्रांत प्रभाकर
http://kavitesathikavita.blogspot.in/

माऊलीची कृपा...

पांडुरंग पांडुरंग

स्वत:शी म्हणत

पोर गोलगोल

होती नाचत

माऊलीची कृपा

माझ्या मनात

माझ्या घरात

होती वर्षत

अंगण अवघे

राऊळ झाले

अबीर गंधात

कोंदाटले

कृतज्ञ अंतर

दाटून आले

भरले डोळे

शब्द उमटले

तुझीच देवा

मी सांभाळली

करितो पुन्हा

तुझ्या हवाली

विक्रांत प्रभाकर
http://kavitesathikavita.blogspot.in/