काका महाराज
************
महाशक्तीचा पुजारी स्वामी दीक्षा अधिकारी
गुरु मूर्त स्वप्नांतरी
पाहिली मी ॥१
काका महाराज श्रेष्ठ
भक्तराज ते वरिष्ठ
घडे तयांची रे भेट
ऐसी काही ॥२
वेष तसाच नित्याचा
काळी टोपी धोतराचा
वरी कोट नि शोभेचा
सुप्रसिद्ध ॥३
तया पाहता धावलो
आणि नमिता जाहलो
माळ रुद्राक्ष पातलो
हातामध्ये ॥४
जरी साधने पासून
व्यस्त दूर हरवून
बीज पेरले येऊन
पाहताती ॥५
कधी घडली ना भेट
कधी पाहिली ना थेट
मुद्रा तरी ह्दयात
उमटली ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा