चित्र

चित्र

*****

तू हरवून गेलीस 

सोबत तुझी चित्रही

प्रत्यक्ष दुर्लभ जरी 

तो आधार होता काही 

किती दिस उलटली 

स्मृतिचित्रे हरवली 

निर्गुणात याद दृढ 

डोळे कासाविस झाली 

हळूहळू हरवेन

मीही काळवाही येथे 

घडेल वा न घडेल 

गाठ तुझी कधी कुठे

सांगणार नाहीस तू 

गोष्ट तुझी कधी कुणा 

मीही कधी उजागर 

करणार नाही खुणा 

हरवेल कुजबुज 

जगती या वेळ कुणा 

सांभाळून ठेवेन ते

तरीही तुझे चित्र मना

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘