तोरण
*****
प्राणातील सरले त्राण आवेग व्यथांचा आहेदारावर बांधून तोरण मी उभा कधीचा आहे ॥१
चेहऱ्यात शोधतो तुजला खुळाच हा छंद आहे
तू ये ना जीवलगा प्रतिक्षा छळ जीवाचा आहे ॥२
हलता सावली धाव घेतो सदैव तुझा भास आहे
अधीर मनाचा यत्न खरा तर विलोपनाचा आहे ॥३
हा डोह वेदनांचा का साथी माझ्या जीवनाचा आहे
देहात खोल भिनला रेशमी मग स्पर्श कुणाचा आहे.॥४
उतरली सांज डोळ्यात कैफ किरणांचा आहे
उतरेल का झिंग कधी तो हक्क तमाचा आहे॥५
डोळ्यातील विझली स्वप्ने शोध डोळ्यातच आहे
ती घडो सावळी बाधा जन्म उधळायचा आहे ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा