गमजा
*****
किर्ती वाखाणतो
जगाला सांगतो
दत्त माझा ॥
जया न पाहिले
जया न जाणिले
नाते हे जोडले
बळे जरी ॥
ही तो असे तर्‍हा
साऱ्या दुर्बलांची
गाठ सबलांची
मारायला ॥
दूर्बळांची जीणे
असे फरफटणे
लाज नाही उणे
जरी काही ॥
सवे माझ्यापण
तुज हीनपण
दत्ता ते येऊन
लागू नये ॥
विक्रांत मातीचा
जाऊ दे मातीत
उणे तव किर्तीत
येऊ नये ॥
म्हणून सांगतो
जगा ओरडून
असे भक्तीहिन
कोरडा मी ॥
लायकी वाचून
मारतो गमजा
काय ते समजा
तुम्ही लोक ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा