शब्द वांझोटे
***********
बळे होतात सांगते
परी होतात रुजते
गुरु मुखी च्या अमृते
जरी वाचली हजार
ग्रंथ आणून साचार
होतो व्यर्थची तो भार
काळ अपव्यय फार
ज्ञान निर्मळ शब्दात
तत्त्वमसीच्या अर्थात
जया पडते कानात
त्याची सरे यातायात
ज्ञान इथेच संपते
यात्रा शब्दाची सरते
शब्द परंतु ते जिते
व्हावे मनी विरूढते
नाथा घराची हि खूण
शोधे विक्रांत अजून
संत सज्जना भेटून
पायी तयांच्या पडून
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा