***********
आज तुला आठवत नाही
सारे काही शांत शांत
झुळूकही आत येत नाही
झाली उलथापालथ सारी
तुला मुळीच याद नाही
विखुरले जग मोडले हे
जणू अस्तित्वात नाही
पान पान वृक्षाचे या
दुखावले गेलेय पाही
बेपर्वा जाण्याने तु़झ्या
घाव पण भरत नाही
हिंदोळुन फडफडून
त्राण वेलीचे या गेले
लाख सावरले तिला
जीव पण धरत नाही
होतीस मेघ सावळी तू
स्वागता मन उत्सुकही
जाणे असे लाथाडूनी
तुज पण शोभत नाही
तरी तुझ्या साठी मनी
शापवाणी येत नाही
वेदनांत नांदताना
तुझे गीत हरवत नाही
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा