समर्था माहेरा
**********
समर्था माहेरा बोलावं गे मला आलाय कंटाळा सासरचा ॥१॥
संसार ही सासु लावते कामाला
चेैन या जीवाला पडेना ची ॥२॥
एक सुटताच दुजे पुढे काम
मुळी ना विश्राम अंतरात॥३॥
नणंद नाठाळ करी चळवळ
न दे एक पळ मज लागी ॥४॥
दावतसे स्वप्न गोड बोलातून
घेते राबवून इथे-तिथे ॥५॥
अडल्या कार्याचा म्हातारा सासरा
म्हणतो आवरा सर्वकाळ ॥६॥
आळस जीवाची जावही जन्माची
सवे मज लुच्ची हळू नेई॥७॥
उनाड तो दिर धावे जगभर
भुके किरकिर मग करे ॥८॥
आणि माझे ध्यान त्याचा पत्ता नाही
नावालाच पाही माळ गळा ॥९॥
विक्रांत बहुत खेळी या धावला
येऊन घराला जाई आता ॥१०॥
तुझ्या कुशीत राहील गे माय
अमृताची साय होऊनिया॥११॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
२६७
ही टिप्पणी लेखकाना हलविली आहे.
उत्तर द्याहटवा