गूढ ध्वनी
*******
पुन्हा पुन्हा मन त्याच गर्द वनी जाते ऐकायला तोच गूढ ध्वनी ॥
तीच रम्य वाट अजून खुणावे
कोणी जरी नाही वाटते थांबावे ॥
कुणीतरी कधी डोकावेल उगा
वेळूतील वेडा सांगतसे भुंगा ॥
येईल येईल म्हणती पाखरे
दिवसाचे स्वप्न असते साजरे ॥
ओघळती फुले घेण्या उचलून
पाती गवताची येती मोहरून ॥
स्मृतीतला गंध येई मनातून
स्पर्शाचे पालव देहाला फुटून ॥
शारद सुंदर पुनव कालची
उलटता पक्ष नसते आजची ॥
मिटता पापणी डोळी अवतरे
नसलेले जग दिसे खरेखुरे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा