मर्जी
****
दत्ता तुझी मर्जी म्हणून राबतो जगती जगतो प्रारब्धात ॥१
जैसे तू ठेवीसी राहील मी तैसा
नाम मुद्रा ठसा लेवुनिया ॥२
राही प्रामाणिक कर्तव्य पाईक
जरी अगतिक दलदली ॥३
फुकाचा तो पैसा उगविल पाप
जाणूनिया माप पाहतो ना ॥४
दावली दुनिया पुरे दया घना
तुझिया चरणा नेई आता ॥५
विक्रांत निवृत्ती लावुनिया डोळा
जाण्या भक्त मेळा कासावीस ॥६
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘ जाने
