दत्तखुळा

मनाच्या एकांती तुझी याद येते

कानात गुंजते नाव तुझे ||

स्वप्नाचे आकाश भरून मानस

तुझा सहवास अनुभवे ||

कधी येता जाग कुण्या मध्यरात्री

तुझे भास गात्री जाणवती ||

तुझे वेड तूच देवून जागवी

भ्रमिष्ट चाळवी जन्म माझा ||

आता हरू द्यावे हे माझे मी पण

जगण्या कारण तूच होई  ||

विक्रांत विज्ञानी झाला दत्तखुळा

म्हणे गोतवळा शिकलेला ||

विक्रांत प्रभाकर तिकोणे

http://kavitesathikavita.blogspot.in