दत्ताच्या अंगणी

आम्ही दत्ताच्या अंगणी

गेलो नामात रंगुनी ||

कधी जन्मास येवूनी

कधी गेलो रे मरुनी| ||

शब्द भरले भरले

नाद लयी हरवले ||

मध्य अंतरी थांबले 

गूढ शून्यात विराले ||

कोण दिसले दिसले

शुभ्र तेजात बिंदुले ||

निळ्या प्रवाही ओतले

घडे युगांचे भरले ||

कृपा करूनी प्रभूनी

मार्गी आणले ओढूनी

नाम विक्रांत जाणुनी

गेला नामात वाहुनी ||

विक्रांत प्रभाकर तिकोणे

http://kavitesathikavita.blogspot.in