करावा उपाय तुम्ही
काही एक
माहेरास लेक
बोलवावी ||
कशास कौतुके लोटले
सासरी
नाती वरवरी
जोडीयली ||
भ्रतार घराचे जरी
सुख असे
मन त्यात नसे
माऊलीये ||
पाठविले तुवा
सोशीन हा भार
तुझाची आधार
सर्वकाळ ||
परी आठवण फुटता
मनात
बोलाव परत काही
काळ ||
मग मी नांदेन
तुजला स्मरून
येवू न देईन बोल
काही ||
डोळ्यात काहूर
विक्रांत व्याकूळ
मुराळी चाहूल घेत
असे ||
विक्रांत प्रभाकर
तिकोणे
कोणत्याही टिप्पण्या नाहीत:
टिप्पणी पोस्ट करा