शनिवार, २७ फेब्रुवारी, २०१६

भक्तीचे मोजमाप







माझिया भक्तीचे
काय मोजमाप
लाजे आपोआप
मन माझे ||
म्हणावी साधना
तरी हसू येते
म्हणे डबक्याते
महासागर ||
बहु पातकांची
असावी गाठोडी
म्हणोनिया थडी
अडकलो ||
संतांचे आशिष
मागे असतात
परी चुकतात
मार्ग सारे  ||
गांडूळाना माती
जगण्याची प्रीती
तैश्या काही रिती
दिन जाये ||
विक्रांता सनाथ
करी दयाघन
दावुनी चरण
सुकुमार ||
भेटी आळवितो      
करीतो  प्रलाप
दत्त मायबाप
धाव माझे ||

विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...