बाहुला
*****
नाही भय चिंता
जगताची ॥
बाप कनवाळू झाला अनिवार
नेले मनापार
धरूनिया ॥
ठेविले मज देह मनातील
वस्त्र दाखवीत
जणू काही ॥
पांघरतो मन देही कधी जरी
गाठी झाल्या दुरी
बांधलेल्या ॥
परी वठवतो भूमिका ती छान
दत्त प्रयोजन
समजून ॥
अंतरी बाहेरी करी तो ची लीला
अरे मी बाहुला
तयाधीन ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा