सिंधू संगम
********
हिरवे पण का गेले हरवून ॥
वृक्ष तेथ नच झुडप इवले
गालबोट जणू रुपास लागले ॥
आणिक संगम विषण्ण भासतो
निळा रंग का माती हरवतो ॥
विशाल अद्भुत पहाड दिसती
करूण विदीर्ण निष्प्राण गमती॥
शापित असे का भूमी ही कुठली
लाभून वैभव उजाड राहीली ॥
प्राक्तनी सिंधूच्या सदा असे व्यथा
त्याची असे काय आरंभ ही कथा ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा