बोलावू नये
*********
कधी कुणा देऊ नये
मृत माळरानावर
झाड वृथा लावू नये ॥१
मोजताना तिथी कधी
देहभान भुलू नये
अवसेचे जीणे भाळी
पुनवेला घेऊ नये ॥२
टिटवेचे गाणं तिथे
पुन्हा पुन्हा जाऊ नये
रानभरी होऊनिया
मोडुनिया पडू नये ॥३
विखुरले खडे गोटे
मोती त्यास मानू नये
तया खाली विचू काटे
दंश उगा झेलू नये ॥४
येता कुणी दारावरी
नजर जडावू नये
जाणता अजाणताही
रेषेला ओलांडू नये ॥५
डोळियात जाता बोटे
स्वतःला रागावू नये
झाल्या चुका होऊ दे गे
पुन्हा तशा घडू नये ॥६
तुझे गाणे चांदण्याचे
पथावर पडू नये
कोंदनात पडो हिरा
जन्म गारा होऊ नये ॥ ७
जाणतो विक्रांत जग
कानाडोळा करू नये
दगडाचे हीय होवो
गेलेल्या बोलावू नये ॥ ८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्‍या नाहीत:
टिप्पणी पोस्ट करा