पूनव
******
कितीतरी लांबलेली अवस आज सरली
चांदणे पांघरूनी ही
नभी पुनव दाटली ॥
पाकळी पाकळी मनी
नवउन्मेषी बहरली
शुभ्र ज्योत्स्ना अंतरंगी
उजळूनी दीप जाहली ॥
हा स्पर्श तुझाच ऋजू
तुझ्याविनाच जाहला
देह सतारीचा धुंद
कंपनांनी थरारला ॥
अन पुन्हा उधानले
शब्द शब्द मोहरले
आठवेना मनास या
काय किती ते बोलले ॥
या ऐशिया ऋतूची रे
वाट किती मी पाहिली
दैन्य सरे प्राक्तनाचे
ऋतुपती दारी आले ॥
ठेव मना जपून हे
भाग्य नव केसराचे
घे भरुनी डोळा आता
रंग गंध जीवनाचे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्‍या नाहीत:
टिप्पणी पोस्ट करा