प्रवास
******
प्रवासाचा माझ्या आता अंत व्हावा
थकल्या पावुला विसावा मिळावा
धावाधाव व्यर्थ केली जरी काही
कुठे पोहोचलो तेही ठाव नाही
भरली गाठोडी मिरवती कुणी
आणिक ऐटीत जातात निघूनी
तयाचे कौतुक नव्हतेच कधी
जोडत शोधत होतो मी रे साथी
तेही हरवले वाटे निसटले
एकटे कोंडले मी पण उरले
बहुत पाहिले जीवन कळले
निरर्थ केवळ वाहणे जाणले .
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा