तऱ्हा
******
हा खेळ रस्सी बळाचा
हा खेळ बुढ्या आज्याचा
हा खेळ नव्या नातवाचा
कुणीतरी इथे जिंकतो
कुणीतरी इथे हरतो
असे आम्ही वाटून घेतो
पण तो भाबडेपणा असतो
इथे कोणीच जिंकत नाही
इथे कोणीच हरत नाही
ही भानगड काय कसली
कधीच आम्हा कळत नाही
हा ही खरा तो ही खरा
खाडीत टाकल्या विचारधारा
हा ही खोटा तो ही खोटा
लग्ना वाचून जुळल्या खाटा
झाकून घे रे डोळे पोरा
पाहू नकोस नग्न थोरा
जाणून घे रे पण हे जरा
दुनियेची या अशी तऱ्हा
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्‍या नाहीत:
टिप्पणी पोस्ट करा