दत्त दत्त शब्द
**********
दत्त दत्त शब्द आहे निनादत
कडे कपारीत
सह्याद्रीच्या ॥
दत्त दत्त शब्द वदे भीमा कृष्णा
पंचगंगा वेणा
या भूमीत ॥
दत्त दत्त शब्द गुंजे गिरनारी
वाडी औदुंबरी
गाणगापूरी ॥
दत्त पाखरतो अवघा हा देश
देऊन आदेश
नाथपंथी ॥
दत्त दत्त शब्द असे याओठात
धुन दत्त दत्त
अंतरात ॥
दत्त जाणिवेत हरावा विक्रांत
होवुनिया सार्थ
जन्म सारा ॥
.🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्‍या नाहीत:
टिप्पणी पोस्ट करा