दरबारी
*******
मी दरबारात गेलो फॉर्मल ड्रेस घालून
राजा .वैतागला
आणि म्हणाला
दरबारी वस्त्र
घालून ये रे !
मग मी
दरबारी वस्त्र घातले
मिरवत गेलो
राजा म्हणाला
एवढे टाईट नको
जरा सैल घाल
आणि जरा लांब ही
मी न कुरकुरता
होय म्हंटले
घालतो म्हंटले
अन् तसेच लांब रुंद
वस्त्र घातले
राजा म्हणाला
अरे एवढे लांब
ते कशाला ?
थोडेआखूड
घालून येई बरे !
मी आखूड
घालून गेलो
तो म्हणाला
काय कळतच नाही
तुम्हा लोकांना
बरं असू दे .
आणि मग मला
परवानगी मिळाली
दरबाराची .
कपडे काढून
नाचायची .
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्‍या नाहीत:
टिप्पणी पोस्ट करा