पद
*****
डोळ्यात मावत नाही म्हणून
मी घेतो डोळे मिटून
पण आतही असतेस तूच सजून
केस मोकळे सोडून
हातात दिवा घेऊन
सुवर्ण स्निग्ध प्रकाशात
गेलेली न्हावून
झंकारतो इथला कणकण
दिपून जाते तनमन
एक भाव येतो उचंबळून
कुठल्याही अर्था वाचून
पाहता पाहता तुला असे
माझ्या शब्दांचे गाणे होते
माझ्या गळ्यात पद येते
आणि तुलाच स्तवत राहते
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा