************
तोही जाणतो की तो लोणचे आहे
तीही जाणते की ती चटणी आहे
चटणी आणि लोणचे चवीपुरते असते
जेवणाची फक्त लज्जत वाढवते
पण चटणी आणि लोणचे
म्हणजे जेवण नसते
तिला माहीत असते
त्यालाही माहीत असते
लोणचे चटणी नसेल तर
फारसे काही बिघडत नाही
त्याच्याविनाही जेवण होते पोट भरते
पण तोंडाला सुटणारे पाणी
कुणाला नको असते
हा आता तोंड आले असेल
तर गोष्ट वेगळी आहे
किंवा कुणाला डाळभातच आवडतो
तर कुणाला पोळी भाजीत मानवते
तर गोष्ट वेगळी आहे
पण लोणचे जाणतो तो लोणचे आहे
आणि चटणी जाणते कि ती चटणी आहे
ऍसिडिटी आणि बीपी वाल्यांनी
ते दूरच ठेवायची असते
बाकी बेफिकीर खवय्यांसाठी
जगणे त्या क्षणापुरते असते.
तो ही जाणतो
ती ही जाणते .
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ .
कोणत्याही टिप्पण्या नाहीत:
टिप्पणी पोस्ट करा