गिरणार परिक्रमा २

गिरनार परिक्रमा २

***************

पायाखाली खडे टोचतच होते 

पाऊल पुढे परी चालतच होते ॥

घेता घेता नाम अपशब्द कधी 

मस्तकात कळ जाता येत होते ॥

नाही कसे म्हणू घडत जे होते 

अजूनही देहासवे नाते घट्ट होते ॥

वेदनांचे सुख या देही होत होते

वेदनांचे फुल देवा तव पदी होते ॥

आणिक नजर खिळली खालती

पावलो पावली  रुप तुझे होते ॥

हजारो सोबती कुणी ते नव्हती 

तूच फक्त चित्ती मज पुरे होते ॥

अशी जगण्याची दावलीस रीत 

अफाट इवले अस्तित्व हे होते ॥

झाली शिकवणी झाली उजळणी 

विक्रांत जगणे किती सोपे होते ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ .