कारण नसतांना
************
काही मासे राहतात चावत सोबतच्या माशांना
कारण नसतांना
तसे काही माणसे राहतात टोचत
सोबतच्या माणसांना
या चावण्यात अन या टोचण्यात
काय मजा असते
कुणास ठाऊक . ?
वैराच्या अलीकडे अडकलेले
हे एक जगत वैर असतं का ?
किंवा हे भांडण असते
त्यांचें स्वतः शीच स्वतःचे
आणि चावता येत नाही स्वतःला
म्हणून ते राहतात
भांडत चावत जगाला ?
अथवा निसरड्या वाटेवरून
मुद्दाम चालायचे खाली पडायचे
आणि जग हसले की
त्या जगाला ओरडायचे
हा सारा खटाटोप का करायचा ?
वृत्ती प्रवृति आणि विकृती
यांच्या धूसर सीमारेषावरती
रेगाळणाऱ्या या व्यक्ती
कीव करावी त्यांची करुणेने दाटून
का पाठवावे त्यांना दूर कुठे
अज्ञातवास लादून कळत नाही !
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा