सोस
*****
तुझ्या पाऊलांचा सोस आम्हा देवा जन्मोजन्मी ठेवा
हाची लाभो ॥१
जिथे जाऊ तिथे राहो तुझी साथ
धरलेले बोट
ज्ञानदेवा ॥२
आळंदी वल्लभा सदा तुझ्या दारा
होऊनिया वारा
रहावे मी ॥३
म्हणतो मी आलो देवा तू आणला
मम चालण्याला
काय बळ ॥४
तुझिया सोबत चालण्याचे सुख
तयाचे कौतुक
वर्णविना ॥५
चैतन्याची वाट चैतन्याची साथ
चैतन्याची गाठ
तना मना ॥ ६
विक्रांत चालला किती जन्म फेरे
आनंद मनी रे
भरलेला ॥ ७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा