कळले

कळले

******

कळले कळले गुज उमजले

तूच उघडले तुझे द्वार ॥१

स्वरूप साजरे हृदयी सजले 

व्यापून राहिले तनमन ॥२

अवघे यत्न ते  नाट्यच होते 

मजला कळते सारे आता ॥३

आहे खोडकर प्रभु लीलाधर 

नि कर्म कठोर जसा तसा ॥४

घडले कर्म ते आम्हा न स्मरते

फळच दिसते गोड कडू ॥५

कर्मही मिटले फळही चुकले 

तुजला वाहिले चित्त जेव्हा ॥६

विक्रांत सुटला फेरा मिटला 

भक्तीत उरला येण्या जाण्या ॥७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ .