पालखी
*******
निघाली पालखी माझ्या मावुलीची
वृष्टी कौतुकाची होत असे ॥
मृदुंग छातीत धडाडले ॥
पावुलांचे फेर फिरती चौफेर
आनंद लहर कणोकणी ॥
गिरकी क्षणात टाळ ताल त्यात
तडीत भूमीत पिंगा घाले ॥
नामाचा गजर भरले अंबर
पताका अपार उसळती ॥
अवघे विठ्ठल सावळे सुंदर
देव भक्तावर भाळलेले ॥
विक्रांत क्षणाला भारावला साक्षी
डोळियात पक्षी मोरपंखी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ .
कोणत्याही टिप्पण्या नाहीत:
टिप्पणी पोस्ट करा