विघ्न विनाशक

विघ्नविनाशक

***********

सांगितल्याविन येतात संकट 

नाना ती बिकट  मनुष्याला ॥१

केल्याविना पाप मागे लागे लाव 

जाऊ वाटे जीव भयानेच ॥२

निळीयाचा हार होतो समजत 

विखार तो होत डसू लागे ॥३

अशावेळी देव विघ्नविनाशक 

स्मरे गणनायक आर्त होत ॥४

मग तो कृपाळ करितो सांभाळ 

देऊनिया बळ सात्विकसे ॥५

विक्रांत अवघी सरे खळबळ

होतसे नितळ शांत मन ॥६

पुण्याईचा झेंडा फडके नभात 

वीज येवो वात प्रारब्धात ॥७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘