तू मुक्त आकाश
*************
तू मुक्त आकाश माझे मजसाठी विहराया
झेपावते तुझ्यात मी
नुरे कुठे माझी छाया
तू निळा सागर माझा
खोल कधी उतराया
हरवते तुझ्यात मी
माझेपण जाते लया
तू धुंद पावूस माझा
येते तुज बिलगाया
थेंब थेंब झेलतांना
तुच होतो माझी काया
तू शुभ्र प्रकाश माझा
घेते मी रे पांघराया
कणकण उजळतो
चैतन्यात सजे माया
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा