कवितेसाठी कविता: पाहणारा

शनिवार, १० जून, २०२३

********

हरण्याचे भय आता मज नाही

मरण्याचे भय आता मज नाही

झालो वस्तीकर मी रे दत्त पायी

भोगण्याची लाज आज मज नाही

त्यागण्याचे काज आज मज नाही

दिसू आले मन पाहत मी राही

उजेड अंधार अवघाची भास

चालला उतारी पाण्याचा प्रवास

कळू येता मग कुठला हव्यास

घेतला उदार दत्त कारभार

सरली उधारी चोख कारभार

विक्रांत मनात शून्याचा व्यापार

चालतो बोलतो खेळतो ही बरा

आत उघडला मिटलेला डोळा

आणि मरू गेला सारे पाहणारा

🌾🌾🌾

https://kavitesathikavita.blogspot.com

☘☘☘☘☘