तू
*****
तू चांदण्याचे गाणे तू मनीचे तराणे
तू जोंधळ्याचे दाणे
टपोर ग ॥
तू आंब्याचा मोहर
तू पिकलेले बोर
तू अपार मधुर
करवंद ॥
तू पायवाट लाल
जाते सांभाळत तोल
तुझ्या चढणीचा डौल
अवखळ ॥
तू भिजलेले झाड
तू भरलेला आड
तू तुफानाचे द्वाड
वारे तेज ॥
तू जीवनाची ओल
तू काळजात खोल
तू मृदुल मवाळ
शब्द माझे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा