कवितेसाठी कविता: भक्ती दीप

सोमवार, ५ जून, २०२३

*******

देई सुख तया जयास ते हवे

मज न ठकावे दत्तात्रेया ॥

देई धन तया जया त्याचे मान

मज गुणगान गाऊ दे रे ॥

नको बांधू देवा उरी या पाषाण

सोन्याचा म्हणून भुलवून ॥

नको मज स्तुती मित्र तेरे स्वार्थी

वहावा ही खोटी कामासाठी ॥

जग विसरावे अंतरी पहावे

स्वरूपी राहावे ऐसे व्हावे ॥

जन्म मरणाच्या लाख लाख वाटा

रहावा पेटता भक्ती दीप ॥

विक्रांत तुझिया प्रेमा आसावला

देह हा अर्पिला पायी सदा ॥

🌾🌾🌾

https://kavitesathikavita.blogspot.com

☘☘☘☘☘