अंगणात
********
माझ्या देवघरी सगुण खेळणी ठेवली मांडूनी एक एक ॥ १
लंगडा श्रीकृष्ण वाघावरी आईं
उपदेश देई दत्तात्रेय ॥ २
गोड गणपती देव पशुपती
देवी सरस्वती सुंदरशी ॥३
रामकृष्ण स्वामी ज्ञानदेव साई
नर्मदा गंगाई श्रीनाथजी ॥ ४
राम पंचायन ठेवले मांडून
सवे .गजानन शेगावीचा ॥ ५
खेळता खेळता भरले अंगण
भरेना ग मन काय करू ॥ ६
घराच्या आतून माय बोलावते
जावे न वाटते परी आत ॥ ७
याद देई सांज सरू आला खेळ
कुशीत त्या वेळ शिरण्याची । ८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ -
कोणत्याही टिप्पण्‍या नाहीत:
टिप्पणी पोस्ट करा