निंदेचे पातक
**
इथल्या वनात विष अमृताचे
वृक्ष जीवनाचे जागोजाग .1
जया हवे जे ते मिळते त्वरित
इथली रे रीत हीच आहे 2
काटे पाहणाऱ्या मिळतात काटे
आणि फळ गाठे फळकांक्षी .3
त्रिगुणी संसार सत्व रज तम
गुणाचे हे काम कळो यावे .4
निंदेचे पातक नका घेवू माथी
पुण्याची ती माती येणे गुणे 5
जाण रे सुजाना हित तू आपले
धोंडे का फेकले मलमुत्री 6
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ -
कोणत्याही टिप्पण्या नाहीत:
टिप्पणी पोस्ट करा