सोमवार, २० जानेवारी, २०२५

ती वाट

ती वाट
*******
ती वाट तुझ्याकडे येणारी रोज खुणावते मला 
ते वळण जीवघेणे  रोज टाळावे लागते मला 

तुझ्या डोळ्यात स्वागत असेलच असे नाही 
माझे बोलणे  पूर्वी गत होईलच असे नाही 

सुखदुःखात आपण वाटेकरी ही होणार नाही 
मनी लाख ठरवून क्षितिज हाती लागणार नाही 

संकटात कुण्या एकमेकां आपण दिसणार नाही 
समांतर हे जग आपले भेट तशीही होणार नाही 

छाया टाळून  वृक्ष जातोच ना उन्हाच्या दिशेला 
जगणे वाढणे स्थिरावणे हेच तर हवे जीवनाला 

तरीही ते वळण वाकडे का पाऊलांना जड करते 
आणि ती वाट पाहून मन उगाचच कासावीस होते

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 🕉️ -

कोणत्याही टिप्पण्‍या नाहीत:

टिप्पणी पोस्ट करा

दारात

दारात **** तुझ्याच कृपेने जळेल वासना  सांभाळ सावर मज दत्त राणा ॥१ जुनाट घोंगडे क्षणात जळेन  मग ते भस्म मी तुजला वाहीन ॥२ फारच कठ...