मान्य मला
********
चालले जगणे हसून भोगणे
प्रारब्ध झेलणे मान्य मला ||
दु:खात रडणे सुखांना शोधणे
काळीज फाटणे मान्य मला ||
मनी उजळने क्षणी मावळणे
कधी हरवणे मान्य मला ||
माझे हे असणे अथवा नसणे
जीवनी वाहणे मान्य मला ||
करी रे स्वीकार अथवा नाकार
होणे निराधार मान्य मला ||
आले ते झेलणे कौतुके पाहणे
विक्रांत म्हणे मान्य मला ||
डॉ.विक्रांत प्रभाकर तिकोने
http://kavitesathikavaita.blogspot.in
कोणत्याही टिप्पण्या नाहीत:
टिप्पणी पोस्ट करा