खेळ हा कशाचा
************
देहात कोंडलेला
श्वास हा कुणाचा
मनात चालणारा
खेळ हा कशाचा
का शोधतो जीव
हा तुकडा सुखाचा
कळेना तरी मार्ग
शोधे तो यशाचा
भिजताच माती ये
जन्म अंकुराला
आकाश किती ते
ना माहित कुणाला
उन वारा पावूस
हा वृक्ष आकारला
वखार ओंडक्यांची
ती ठाव न त्याला
साराच सिनेमा
हा असे ठरलेला
रीळ पुढे धावे
नि सीन बांधलेला
उजेडी भरे मनी
भाव भावनेला
मागचा दिवा तो
कुणी लावलेला
डॉ.विक्रांत
प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा