शुक्रवार, ३० सप्टेंबर, २०१६

जन्म मजकूर झाला







जन्मा आधीचे लिहिले

पत्र जीवना मिळाले

क्षणी हरवून गेले

सारे मांडले सांडले



पत्र मजकुरावीण

कोरे पांढरे उजळ

दिला दावून संतांनी

उगा मानलेला मळ



आता हसावे कुणाला

अन रडावे कुणाला

खेळ नाहीचा मांडला

नच जन्मता वाढला



दत्त आतला कळता

जन्म मजकूर झाला

नसे विक्रांत इथला

एक बुडाडा फुटला





डॉ विक्रांत प्रभाकर तिकोणे
http://Kavitesathikavita.blogspot.in


कोणत्याही टिप्पण्‍या नाहीत:

टिप्पणी पोस्ट करा

सूत्र

सूत्र ***** देऊन सूत्र जीवनाची सारी तुझ्या हातात  आता मी रे निवांत आहे वाहत श्वासात जगणे चालू आहे नि धावणेही चालू आहे यशापयश दोघ...